قصه فتاه

انت محاولتش عشاني ولو مره
_ كل ده ومحاولتش تقدري تقولي انتي فين أنا مبقتش حاسس انك موجوده
انا الي مش موجوده ولا انت انت بقيت بتيجي من الشغل تاكل وتنام بطلت تسمعني بطلت تشاركني
_ بطلت اسمعك لما بطلتي تحكي بطلت اشاركك لما بطلتي تعوزي تشاركي
انا هروح لماما شويه
_خليها بكره يا جهاد
هو اي حاجه بمزاجك وخلاص
_ براحتك 
دخل أوضته بجد والله 
حاولت افتح الباب وانا على تكه وهعيط متفتحش
_ متحاوليش كتير مقفول بالمفتاح
هو فين
هز لي كتافه بمعني معرفش
ابتسمت بسخريه هبقي اروح لوحدي بكره لانك كالعاده هتبقي فالشغل 

دخلت اوضه الاطفال حاولت انام معرفتش قمت البلكونه فضلت افكر في علاقتنا
وهنا يا عزيزي علمت أننا وصلنا لطريق مسدود في علاقتنا علمت أننا لم نكن من البدايه نتعامل ب ارواحنا وكنا نتعامل ب أجسادنا فقط
عيطت كتير اوي لما حسيت اني هديت شويه دخلت انام
كنت سامع صوت عياطها مش عارف اعمل ايه أنا أنا بحبها بس أنا مبقتش فاهمها مينفعش اسيبها تمشي مينفعش اكمل من غيرها
تاني يوم صحيت وانا مقرره اني همشي لبست جهزت جيت خارجه لقيته قدامي
_مش هينفع اسيبك تمشي لوحدك على الأقل كنت فيوم حبيبك 
ابتسمت بسخريه ومشيت معاه
حط الشنط فالعربيه 
دمعه فلتت مني ڠصب عني 
لقيته وقف العربيه ومسك ايدي
_انا اسف
_ انا معترف اني غلطت بس بس انتي كمان غلطتي يا جهاد أنا اه بحبك بس انتي عارفه أني أنا مش بأيدي ارجع متأخر مش بأيدي اني اكون مشغول انا اسف
انا كمان اسفه اسفه اني عليت صوتي واني كنت بطالب بحاجة مش من حقي
_ لا انتي من حقك اني اسمعك واني اعملك الي نفسك في أنا انشغلت فتره
_خلاص كده مسمحاني 
اتنهدت
اعتقد اننا محتاجين بريك 
_امممم أنا شايف كده
تلفونه رن
_مرحبا بكي حماتي الجميله
انتوا اتأخرتوا كده ليه يا يوسف
_خلاص مسافه السكه 
_اه لا منا فكرت وقولت يا واد يا يوسف هتسيبها تاخد بريك لوحدها ف قولت ايه بقا
امممم
_قولت ناخد بريك سوا عند حماتي العسل 
انا نسيت اقولك حاجه
_ايه هي.
انا بحبك
تمت......
انت ملجأي الوحيد فليس لي سواك
ساره نور
روايا
_مفيش حد بيصور خيبته ويقول للناس تعالوا إتفرجوا على خيبتي.
بس الحياة بتاعتهم مثالية أوي أوي بجد.
_حياتهم مثالية من برا الفلاتر اللي قرروا يحطوها على حياتهم هي اللي مثالية مش حياتهم.
أنا هعتزل السوشيال ميديا خالص تعبت أعصابي.
_مش همنعك من التجربة لو ده الحل من وجهة نظرك إعتزليها شوفي النتيجة إيه..
وفعلا عملت كده قفلت موبايلي تماما إعتزلت كل الأبلكيشن كل أصحابي كل حاجة ممكن تكون عالموبايل وقعدت مع نفسي أول يوم كان رايق قعدت قرأت كتب خرجت إتمشيت في الطبيعة عدى اليوم الأول وأنا مبسوطة ويومين وتلاتة بس ماذا بعد
إكتشفت إن حياتي كانت فعلا كلها سوشيال!
مش لاقية حياة ليا من غيرها!
عدى شهر عالحال ده كنت بقعد مع نفسي كتير أوي في الأول القعدة كانت صحية بس دلوقتي بدات أفكر في الماضي كتير أوي بدأ الاكتئاب يبان عليا برغم إن الحياة فعلا في الطبيعة أحسن بس إيه ده!
أنا مش مرتاحة في الحياة الطبيعية بسبب إن كل حاجة بقت سوشيال ولا مرتاحة في السوشيال طب الحل فين!
رجعت تاني للكوتش بتاعتي وكانت حالتي متقلش عن آخر مرة ويمكن أسوء!
_ها عملتي إيه
مش باين عليا ولا إيه!
ضحكت ضحكة إستفزتني أوي..
_لأ باين متقلقيش.
أنا مش عارفة أعمل إيه الحياة عالسوشيال مهلكة مهلكة لأبعد الحدود كل الناس مثالية أخبار وحشة ناس بټموت ناس بتسافر قارات العالم في شهر وأنا بتفرج على كل دول!
والحياة في الواقع من كتر ما كل الناس متجهه للسوشيال مش لاقية حد يعيش معايا حياة الواقع حتى الدراسة عالموبايل كل حاجة في الموبايل الحاجات المفيدة فيه ملقتش غيرنفسي وقعدت انا وهي مع بعض كنا هنقضي على بعض من كتر التفكير طب أعمل إيه!!
_طب ممكن تهدي أعصابك كده وتسمعيني كويس..
قولي.
_العيب مش في الحياة الطبيعية ولا السوشيال الصراحة.
إنتي هتجننيني بعد ده كله العيب مش فيهم أمال في مين بقى إن شاء الله.
_العيب فيكي إنتي الصراحة يارهف.
فيا أنا فيا أنا إزاى!
_أيوة العيب فيكي إنتي كل حاجة ليها الحلو والۏحش ليه مصرة يا تاخدي الباكيدج كله يا تسيبيه خالص فيها إيه لو نظمتي