قصة القصر
أنجح أكتر وأحافظ على نجاحي بدأت مع الوقت الأفعال اللي كانت بتتعبني بقت روتين خلاص بدأت أكمل سواء تعبانة سواء كويسة سواء فرحانة سواء زعلانة في كل الأحوال وبطلت أتكلم عن تطوير الذات ولا أصور الكتب ولا أصور للناس قد إيه إتغيرت وأدركت حقيقة إن الحياة بتتعاش مش بتتحكي ولا تتصور تتصور للذكريات بس لكن هي خاصة بينا إحنا وبس..
الخطوة مش سهلة كده.
_إنتو بقالكم تمن شهور سوا هو عاوز يكتب الكتاب وتبقوا براحتكم بدل الضوابط اللي مطلعه عينه بيها الواد غلبان وطيب والله.
لازم يتعب علشان يوصلي.
_يتعب أكتر من كده إيه تاني!
مش عارفة بس يتعب.
_أه هو إنتي حافظة مش فاهمة!
_خدي رأى أى حد هيقولك إن ده الصح كفاية تراست إيشوز بقى الله يكرمك.
مش قبل ما ألاقي بلورتي.
_ويمكن قربكم أكتر يخليكم تلاقوا البلورة أسرع!
تفتكري
_أفتكر أوي.
كانت عارفة نقطة ضعفي البلورة!
تعبت وأنا بدور عليها يا ترى ليه برغم كل اللي وصلتله مظهرتليش!
يا ترى إيه حكايتها!
قررت أقابل سندس أخد رأيها في موضوع كتب الكتاب..
إنتي عارفة إن مقدرش أنساكي يا سندوسة ده إنتي اللي في القلب.
_أه ماهو واضح من بعد ما أصحابك إقتنعوا لما شافوا التغيير عليكي ونزلوا معاكي الجيم وبقو يشاركوكي بقيتي مكبرالي.
والله أبدا إنتي عارفة إن أنا مش كده بس ڠصب عني مشغولة في حاجات كتير عمر عاوز يكتب الكتاب وأنا ھموت من التفكير.
الصراحة لأ بس خاېفة الخطوة مصيرية جدا.
_ولا مصيرية ولا حاجة ناس كتير بتاخدها عادي وناس اتجوزت مرة واتنين وتلاتة عادي.
سندس حبيبتي أنا جيالك تطمنيني مش تخوفيني.
_مانا بطمنك أهو الراجل طول فترة الخطوبة مشفناش منه حاجة وحشة بالعكس بيشجعك عالنجاح ساعدك تغيري عقليتك لعقلية صحية بدليل إن من بعده وجوده بقيتي فعلا قدوة لأصحابك وإنتي لو كنتي بعقليتك القديمة مكنتيش هتوصلي ل ده مش بقلل منك بس زى ما نفسك وأفكارك مهمة مهم برضه تكون قابلة للتغيير وقابلة للمرونة وتاخدي وتدي مع الناس فكرة غلط نغيرها فكرة صح نطورها وهو ساعدك تعملي ده ف ليه لأ
_تاني وتالت وعاشر كل ما تقفي في موضوع إسألي نفسك ليه لأ لو لقيتي الإجابة كافية ووافية خلاص لأ بس لو ملقتيش إجابة يبقى ليه لأ فعلا
يعني أتهور!
_ده يبقى أحلى تهور.
بعد ما خدت رأى سندس وروحت خدت رأى أصحابي وأمة لا إله إلا الله برضه خاېفة نسيت أهم رأى المفروض كنت أخده قبل كل دول وهو صلاة الاستخارة صليت يوم واتنين وبدأت أحس براحة شكله الواد عمر ده العوض فعلا وأنا ظلماه بالعقد اللي عندي.
ذليته شوية لحد ما وافقت كان لازم يتعب علشان يوصلي علشان يبقى يفكر يزعلني حلو أوي بعد كده..
_خلاص يا بابا أنا موافقة.
وفعلا عملنا حفلة كتب كتاب رقيقة كانت حفلة هادية بتضم القريبين مننا بس وجت اللحظة المنتظرة!
كنت حاسة إن عاوزة أعيط مشاعر مختلفة كتير كنت ماسكة نفسي بس مقدرتش لما بابا جه يقول وراه.
_قول ورايا زوجتك إبنتي البكر الرشيد.
زوجتك إبنتي قرة عيني حبيبة أبيها من يضحك الثغر في شروقها ويحزن عند غروبها هي كالشمس في حياة أبيها إن غابت غاب النور عنه من هي رفيقته إلى الأبد قطعة من قلبي..
الكل بدأ يعيط من كلام بابا إلا كريم أخويا أبو قلب مېت كان جانبي ميل عليا..
_متقلقيش الشمس بتغيب القمر بينور مكانها.
روحت خبطاه في دراعه جامد بس حضڼي وقالي
_بس عمر القمر ما يقدر يخطف مكان الشمس الشمس غيابها هيضلم البيت كله وقلوبنا كمان.
هما لو عاوزين إنهم يخلوني أهرب مش هيعملوا كده بعدين ده كتب كتاب مش فرح أمال هيعملوا إيه في الفرح!
_بارك الله لهما وبارك عليهما وجمع بينهما في خير.
الجملة وقت الجد بتبقى غريبة مشاعر مختلفة فرحانة إن بقى معايا الشخص اللي هيسندني ويكون عوض ربنا ليا ويساعدني بس زعلانة إزاى هسيب البيت اللي إتربيت فيه وشفت فيه كل حاجة حلوة إزاى!
_هتسمحيلي كتب الكتاب اللي
