رواية حمزة ونورهان كاملة بقلم شيماء عبده
عشان الفتره الاولي ديه مهمه جدا.
حمزه راح على نورهان من غير اي كلام .حضنها .
نورهان طمني ياحمزه انت ساكت ليه
حمزه بفرح مبروك ياحبيبتى الف مبروك
نورهان بفرحه ومش مصدقه نفسها . بجد ياحمزه يعنى انت مش بتضحك عليا .
حمزه بفرح وحياة نورهان عندى انتى حامل .
نورهان تمسكت بحضنه بشده . الحمد لله . وخدها حمزه ومشي لمحتهم من بعيد عفاف ..دخلت للدكتوره فى المعمل . عفاف صباح الخير يادكتوره علا
عفاف طمنينى التحاليل بتاعتي .اخبارها ايه .
الدكتوره تحاليلك زي الفل .
عفاف طب الحمد لله . يعنى كده اقدر اعمل العمليه وانا مطمنه ..
علا اه متقلقيش . ان شاء الله .
عفاف بخبث وانا جيالك لمحت بنت عمي وجوزها .خارجين من عندك . ندهت عليها مخدتش بالها ومشيت على طول . خير هي تعبانه ولا ايه ..
عفاف بلؤم نورهان القاضي
الدكتوره بعفويه اه كانت بتعمل تحليل حمل . وجوزها مكنش مصدق نفسه من الفرحه .
عفاف يعنى هي حامل .
الدكتوره بعفويه اه اللى يشوف لهفته كده ميقلش .انهم عرسان جداد .
عفاف اه هما فعلا لسه عرسان جداد ..طب متشكره اوى يادكتوره علا طمنتينى ربنا يطمنك ..عفاف خرجت من عند الدكتوره بتضحك بسخريه وبتتخيل منظر عاصم لما يعرف بخبر حمل نورهان .هايتصدم ازاي
سلطانه بقلق ها طمنوني ياولاد عملتوا ايه
نورهان جريت على حضڼ سلطانه انا حامل ياماما .
سلطانه بفرح الف الف مبروك ياحبايبى .شروق حضنت نورهان . وزغاريد زغاريد زغاريد . والفرحه ملت البيت
مع الشباب .اللى كانوا بعيد شويه عن الستات .
عمار بسخريه وصوت منخفض وبتجبها فى الامتحانات . اه يا لئيم . الامتحانات قعدت اسبوع . وانت قعدت شهر .
مروان بسخريه اه ياعم استحلي القعده . ده مكنش ناوي يرجع . لولا فرحك .
حمزه بصلهم ها خلصتوا انتو الاتنين ولا لسه فى تلطيش تاني .
عمار بصوت هامس يوم الجمبري ده يا اسد مش كده ..
شروق براحه ياحمزه .على نورهان
نورهان سيبيه ياشروق .
شروق لا عشان ياخد باله بعد كده .حمزه نورهان .فى بطنها نونه براحه عليها بقا ومتخبطهاش
نورهان لسه مش عارفه . انت عايز ايه .
حمزه عايز بنت تكون حلوه شبهك . وهسميها نورهان . وهاتجوزها .
حمزه الكبير .لشروق وبعدين ياشروق ابنك كان بيرسم على مراتى ودلوقتى بنتى . ابنك عايز ياخد البت وامها
شروق بهزار لا احنا خلاص حجزنا نورهان الصغيره من دلوقتى . نورهان بتاعه الاسد .
الكل كان مبسوط وفرحان وفرحتهم فعلا اكتملت بحمل نورهان .. سلطانه كانت خاېفه على امرائها جدا . وهما فعلا يتخاف عليهم . امرت صالحه والخدم . يبخروا البيت كله . عدا كام ساعه والكل لبس وجهز واستعد ..شروق كانت لابسه فستان وكانت زي القمر .. ونورهان اترددت تلبس الفستان اللى جابته من الاتيليه يوم اللى حصل . بس فالاخر لبسته . والفستان كان رهيب عليها وكانت طالعه زي القمر . بټخطف عين اي حد يبصلها .حمزه لما شافها كده بقي غيران عليها جدا .
نورهان ها ايه رائيك ياحمزه
حمزه بغيره رائي فى ايه
نورهان الفستان ياحمزه .
حمزه وحش جدا جدا .نورهان اټصدمت
شروق حرام عليك ياحمزه الفستان حلو اوى
حمزه بغيره وملفت اوى اوى
نورهان ملفت ايه ياحمزه . ده محجبات .
حمزه لا ياروح حمزه .المحجبه لازم تاخد بالها برضو .ومتلبسش حاجه تاخد عين الناس معاها ..اللون ملفت اوى غيريه
نورهان بزعل يعنى الفستان مش حلو عليا .
حمزه المشكله انه حلو عليكى . وانا مش عايز كده . مش عايز حد يركز عليكى انتى . نورهان كشرت ..وتابع حمزه بسخريه . اول مابقول حاجه مش على هواكى البوذ بيطلع على طول
. خبيه عشان انا مباخفش على فكره
