قصه اطلعي بقي

متميزين وأنا لأ وقتها كان هرمون الدوبامين بدأ يعلى من إنجازي البسيط وكنت راضية عن نفسي!
كملت يومين الأجازه بس بمجرد رجوعي للكلية حصلتلي إنتكاسة رجعت تاني زى الأول بدأت أحس باليأس والإحباط من تغييري المشكلة مش في الانتكاسة نفسها قد ما المشكلة في الإحباط اللي بيجي بعد الانتكاسة إفتكرت كلام أصحابي إنه الحماس هياخدنا ويومين ونرجع تاني وللأسف كان صح!
كنت البؤس متملك مني حتى سيبت مذاكرتي وكالعادة هربت بالنوم..
_إيه المكان اللذيذ ده..
مكنش فيه حد بيرد عليا كان المكان شكله مبهر ومريح للقلب أوي كان فيه بلورات منورة كتير حاولت أقرب من أول بلورة وألمسها بس إتكون غطا عليها!

حاولت أمسك التانية ونفس الحال جربتهم كلهم ومفيش ولا بلورة نفعت معايا..
كل بلورة فيه حائل بيتكون بيني وبينها..
مكنتش فاهمة حاجة مفيش أى حد في المكان فجأة سمعت صوت حاجة بتتكسر بصيت عالبلورات كلهم مفيش حاجة منهم متكسرة بدأت أخاف قعدت أدور في كل حته ومكنش فيه أى دليل أو حتى مخرج!
مكنش فيه غير ستارة فاصلة بين المكان اللي أنا فيه وبين مكان تاني معرفش فيه إيه..
قررت أخد الريسك وأتهور وأفتحها أشوف وراها إيه فتحت الستارة وكانت المفاجأة كان مكان كله بلورات متكسرة مكان مش لطيف خالص كان عكس الأوضة الأولى بدأت حيرتي تزيد كل ده ومفيش أى شخص موجود كنت حاسة إن محپوسة بينهم!
مكنتش لاقية أى مخرج للي أنا فيه اليأس إتملك مني وكالعادة قعدت أعيط..
_مفيش مكان للضعفاء هنا هتعيطي هتتحبسي هنا مع البلورات المکسورة.
إتفاجأت من الصوت رفعت راسي بعد ما كنت حاطة راسي على رجلي وبعيط بدأت أشوف اللي بتتكلم كانت بنت ملامحها مش باينة من كتر الإرهاق اللي عليها كان وشها مليان خرابيش وحاجات صعبة أوي.
إن إنتي مين
_أنا الفاصل بين الطريقين أنا دلوقتي هقدر أستلم بلورتي وأستعيد نفسي من جديد.
بلورتك
_أيوة لازم تثبتي للبلورة بتاعتك إنك قد المسئولية وهتقدري تحافظي عليها علشان توافق تشيل الحائل اللي بينك وبينها وإفتكري الوصول للبلورة مش سهل..
يعني إيه بلورة ويعني إيه الوصول ليها مش سهل
_يعني زى ما إنتي شايفاني دلوقتي شوفي أنا بقيت عاملة إزاى علشان أقدر أوصل بس الحقيقة لذة الوصول للبلورة وإن ألمسها هترجعني تاني زى ماكنت!
وبدأت تتحرك كانت ماشية وسايباني حاولت أنادي عليها بس مردتش عليا أول ما مسكت بلورتها بدأت الخرابيش تروح بدأت تكون أحلى وأجمل مكنتش فاهمة إيه البلورة دي ودلالتها إيه!
وفجأة ظهرت من بعيد بلورة فيها صورتي في الأوضة التانية جريت وراها علشان ألمسها حطت الحائل بيني وبينها بس المرة دي لما ركزت في الحائل لقيت مكتوب
إدفعي ثمني أولا إن تحملتي مرارة الطريق إلى ف ستزهرين من جديد معي لا تخافي من التجربة خوضيها وإنطلقي ف لماذا تخافي
إنطلقي وإعلمي أن عدوي هو اليأس ليس عدوي الفشل ولا التعثر في الطريق ولكن عدوي الوحيد هو اليأس وفقد الأمل ف إن علمتي طريق الإحباط خاصمك النجاح تعثري ولكن تعلمي كيف ستقومين من جديد بعد التعثر حتى وإن تعثرتي آلاف المرات!
وجريت البلورة مني وأنا قمت من النوم!
كان حلم لأ ده كان رسالة مش حلم بس إيه هي البلورة!
كلامها كان بيتردد في عقلي مكنتش فاهمة يعني إيه بلورة خاصة ب كل فرد
البلورة إدتني رسالة إزاى أوصلها بس مقالتليش هي إيه!
مكنتش فاهمة السر عقلي كان بيقولي دي أحلام العصر يابت كملي نوم بلا بلورة بلا بتاع..
بس جزء تاني كان رافض يصدق إنه مجرد حلم!
قمت لبست وروحت للكوتش من غير معاد.
_حد يدخل على حد كده فجأة.
عندي معلومات خطېرة.
_إيه الډخلة دي يابنتي إحنا شغالين في المخابرات ولا إيه!
أخطررر يا كوتش أخطررر.
_بسم الله الرحمن الرحيم أنا بقول شوفيلك كوتش تانية يابنت الحلال أنا مش مستغنية عن نفسي.
ياستي مالك بس قلبك خفيف كده ليه!
_هو حد قالك إن العمر بعزقه
يستي خلاص مټخافيش ده كان مجرد حلم.
وبدأت أحكيلها الحلم واللي شفته بالتفصيل كانت عيونها بتلمع وهي بتسمع وبدأت تبصلي هي نظرة المخبر.
فيه إيه إيه نظرة المخبرين دي
_أخطررر يا رهف أخطررر.
إيه يا كوتش مالك
_يستي مالك قلبك خفيف كده ليه هيطلع عينك بس.
بس
_أه بس شايفة الدنيا سهلة إزاى
جدا مفيش أسهل من كده