قصة القصر

بتاعتي..
بس قبل ما أخد أى قرار جديد قررت الأول أفصل بخروجة كلها هلس مع أصحابي بعيدا عن تطوير الذات والجو ده كله في اللحظة دي بدأت أحس بميزة تنوع الصحاب بدأت أبص لزهقي من كونهم مش معايا بنظرة تانية في اللحظة اللي قررت أشوف فيها الموضوع ده حسيت إن الأسبوع فعلا كان قادر يسبب فرق في دماغي وطريقة تفكيري!
بدأ الأمل يرجعلي من تاني والبلورة مبتختفيش من عقلي أصحابي مقدروش يلاحظو أى تغيير عليا المدة كانت قليلة وأنا قررت أصبر زى ما الطفل بيتولد مش بيمشي ولا بيعرف يعمل حاجة أنا كمان لازم أستوعب إن بداية طريقي أنا كمان كده!

_ها الكتكوتة بتاعتي عملت إيه الأسبوع ده
حاسة مخي بدأ يتغير فعلا أه النسبة صغيرة بس فيه تغيير يعني فيه أمل أهو!
_شابووو ليكي كونك قلتي الكلمتين دول يبقى إنتي في الطريق الصح.
تفتكري هوصل للبلورة
_مدام بدأتي الطريق يبقى هتوصلي هتقعي كتير وسط الطريق هتتعبي كتير عادي جدا على فكرة المهم تعرفي وقت ما تقعي إزاى تقومي كوني حنينة على نفسك ربنا اللي خلقنا غفور رحيم بيغفرلنا كل ذنوبنا وأخطائنا وإحنا الضعفاء هنعذب نفسنا ونجلدها
بس لو سيبت نفسي من غير محاسبة هتبوظني!
_لا إله إلا الله يا حبيبتي هو يا كده يا كده فين الوسط في الموضوع حاسبي نفسك بس بلطف كوني واعية لأخطائك بس متدمركيش أقولك فكرة أحلى
قول يا فنان.
_سجلي فيديو لنفسك.
تنحتلها واستغربت..
_أه والله زى ما بقولك كده سجلي فيديو لنفسك إنتي ليه عاوزة تبطلي الحاجةالوحشة دي حتى لو كان ذنب مش عارفة تبطليه قولي كل أسبابك بحيث قبل ما تيجي تقعي في الغلطة تجيبيه وتسمعيه يكون راجع ليكي يفكرك في الوقت اللي نفسك بتضعف فيه سجلي لنفسك إنتي ليه بدأتي في طريق تطوير الذات علشان في الوقت اللي تتقفلي فيه من الحياة وتحسي إن اليأس هيتملك منك يكون راجع ليكي يفوقك ويقومك من جديد.
فكرة والله رغم إن عارفة إن أنا لما بكون عاوزة أعمل حاجة بمشي زى الجاموسة مفيش حاجة بتوقفني.
_أنا أول مرة أشوف حد متصالح مع نفسه كده.
ربنا يهديني وأعقل شوية كان نفسي أبقى عاقلة والله بس أعمل إيه نصيبي أتولد مخي لاسع وطاير.
مشيت وأنا كالعادة مقررة أجرب هو ورانا غيره لو مقبضتش بالدولار بعد التعب والمرمطة اللي بتعبهم في التجربة دول أنا ممكن يحصلي حاجة.
_إيه يارورو هتيجي معايا الكافية النهاردة
فكرت شوية الصراحة السؤال ده دايما كانت إجابته طبعا هاجي بس المرة دي حسيت إن محتاجة أفكر شوية هو أنا فعلا فاضية ده الوقت اللي المفروض كنت ناوية أخلص فيه حاجات ورايا بس إزاى هقدر أقولها لأ هتكسف إزاى هقولها لأ هتزعل ويمكن تدايق ويبعدوا عني وأبقى وحيدة!
طب أعمل إيه!!
وقتها مفيش حاجة جت في بالي غير فيديو كريم إسماعيل عن إتعلم تقول لأ قررت أقول لأ لأول مرة في حياتي أنا محتاجة أخلص اللي ورايا أكتر ما محتاجة أخرج الخروج مهم بس مقابل ده هتزنق وهتحط في زون الزنقة وهي أولويات مرة أختار الخروجة لما يكون عندي مساحة ل ده ومرة أختار أخلص اللي ورايا.
بس مكنتش قادرة أقولها دايركت برضه!
معلش يا رحمة أنا كان نفسي أكون معاكم بس مش هقدر يومي مقفول تتعوض مرة تانية إن شاء الله.
_إيه ياستي جو سيدة الأعمال ده!
تجاهلت تريقتها أدركت إن اللي ميعرفش يقول لأ مش هيقدر ينجح مدام قررت أمشي في طريق النجاح يبقى لازم أكون متأكدة إن طريقي هيكون مليان عقبات كتير ولو عاوزة أوصله لازم أتخطاها وأجمد قلبي شوية.
_أسفه عالتدخل بس باين عليكي سرحانة خالص النهاردة.
إيه ده هو باين عليا أوي كده!
_أيوة مش حاساكي بنفس باور التمرين بتاعت كل مرة.
أهو الزمن.
_زمن إيييه إنتي محسساني إن واحدة عندها مية سنة بتتكلم.
العضمة كبرت خلاص.
_أنا الزمن هدني ولا حد بيودني.
أحلى حاجة في مجتمع البنات إننا برغم إن ممكن منكونش عارفين بعض بس عادي نهزر سوا ممكن نحكي حكايات كتيرة ونساعد بعض وأصلا ملناش علاقة ببعض.
على فكرة حاسة فينا من التفاهه ومحتاجين نتعرف على بعض.
_ده كده كده إنتي من النهاردة صاحبتي في التمرين خلاص.
بما إننا بقينا صحاب خلاص قليلي