قصة الهربانة بقلم لولو طارق

خير حافظ وهو قلبه بيتقطع على ابنه وبيدعى ربنا يحفظه ويطمنهم عليه 
مصطفى وحمزه يارب احنا ها نقوم نمشى والله أسفين اننا جاين بنبلغكم بالخبر دا 
محمود انتو ها تفضلو وها نتغدى مع بعض وقومو معايا جوا نتوضى ونصلى ركعتين ربنا يحفظ أخكم وصاحبكم بيها ويرجع بالسلامه........ هاتى كرسين وحطيهم فى اتجاااه القبله يا مريم 

مريم حاضر يا بابا ......... واتعرفت على ندى هى وكارما وفرحو لما عرفو انها بنت الدكتوره مرفانا اخصائيه السمنه والنحافه والتغذيه الا شغاله فى البيوتى سنتر معاهم جديده هى و الدكتور المختص التانى ...... وقضو وقت كبير مع بعض ..... وبعدين حمزه ومصطفى خدو البنات ومشيوووو ........ وسابو مريم ټنهار فى صمت كل حاجه كانت بتقول ان حسن مش ها يرجع بس يا ترى غيابه ها يطول والا ها يرجع لها بسرعه ....... الايام ها تعدى وتكشف كتير من الاحداث
مر 6 شهور ومازال الوضع كما هو لا جديد فا الصديقين المخلصين لم يتروك شئ والا فعلوه من اجل صديقهم ولكن دون فائده ..... الموضوع مبهم وهشام بدوى أختفى تماما ولم يتم منذ ذلك الوقت أى عمليه وشريف لا أثر له والأجانب التى تم القبض عليهم .... لا يعرفون عنهم أى شئ 
حمزه ها نفضل كدا يا مصطفى للدرجه دى مفيش أى حاجه عنه بتظهر 
مصطفى انا زيك مش فاهم ولا عارف حاجه حتى هشام بدوى فحرنا وراه وابن ..... ولا له أثر من وقتها كأن الارض اتشقت وبلعتهم كلهم ..... غير وضع مريم الا بتبان انها متماسكه وهى مڼهاره تماما وحال عمو محمود وطنط صفيه الا يقطع القلب 
حمزه تعالى ندخل للقائد محى يمكن وصل لحاجه 
محى خير حصل حاجه 
مصطفى ابدا لا جديد واحنا عايزين نعرف لو عرفت أى حاجه عن حسن 
محى مفيش أى أخبار نهائى ولو فى أكيد ها نقول 
حمزه بعصبيه يعنى ايه 6 شهور ومش عارفين هو فين والا عايش والا مېت 
محى التزم حدودك يا حمزه واعرف انت بتكلم مين مش معنى انى بعاملكو زى اولادى ها تتجاوز معايا وتعلى صوتك عليا 
حمزه انا أسف يا فندم بس بجد عيلته مدمره حتى لو بيبانو متماسكين على الاقل يعرفو هو جراله ايه 
محى انا زيكو وبدور مش ساكت حسن مش شخص عادى كان محبوب من الكل عساكر وظباط ومصدر للثقه مش ها نضحى بيه وهو من أهم رجالتنا طلع كام عمليه ما فشلش فى واحده منهم 
مصطفى ارجوك عايزين نوصل للاجانب الا خدتهم المخابرات أكيد ها نعرف هما فين 
محى المخابرات مش ساكته وبيعملو محاولات يعرفو بيها طريقه انا متواصل معاهم بنفسى ...... 
ندى بابى ان شاء الله حمزه اتفق معايا الاجازه الجايه له ها يجى يتقدم رسمى 
ابراهيم ادام انتى موافقه يا حبيبتى مفيش مشكله يتفضل فى اى وقت 
مرفانا دودى يا حبيبتى ها تيجى البيوتى سنتر لكارما انهارده 
ندى ممكن يا مامى وعايز اروح أشوف مريم كلها شهر وتولد 
ابراهيم دى البنت الا جوزها مختفى 
ندى بزعل ايوا يابابى ولسا ميعرفوش عنه حاجه 
مرفانا مريم دى مثال للاراده القويه ومش بتيأس أبدا ربنا يرجعو لها بالسلامه دى خلاص قربت تولد 
ندى بفرحه ها تجيب توأم بنت وولد 
ابراهيم عقبالك يا قلبى بس أكيد بعد الجواز 
ندى ان شاء الله يا بابى 
فارس وانا مفيش عقبالك تتجوز وتملى البيت علينا عيال 
مرفانا انت مدينا فرصه انوى انت بس 
فارس قريب يا ست الكل 
ابراهيم طيب يا مسهل نفرح بيك وبأختك 
فارس ان شاء الله يابابا 
مريم قاعده فى اوضتها وجايبه صور حسن ... مش ناوى ترجع نفسى تبقى جمبى فى الولاده عشان تشوف ولادك وتفرح بيهم يا قلبى .... كل دى غيبه يا حسن طيب طمنى عليك يارب تكون بخير .... وبدئت ټعيط من ڼار الفراق والقلق الا بياكل فيها كل يوم 
صفيه دخلت تتطمن عليها ..... انتى بتعيطى يا قلبى بردو كفايه عشان الا فى بطنك دول يا مريم 
مريم وهى فى صفيه وحشنى قوى يا ماما نفسى أشوفه وأ ه كان لازم يبعد عننا دا كله 
صفيه مش بأيده يا حبيبتى شغله وڠصب عنه وحشنى انا كمان قوى ربنا يحميه وينصره 
مريم مسحت دموعها أمين يارب بابا فين 
صفيه نزل يفتح المعرض الا عمله بفلوس الارض ويتمم على كل حاجه بنفسه 
مريم أحسن حاجه عملها كان زهقان من قعدة البيت 
صفيه ايوا يا بنتى بس هو ما يعرفش حاجه عن الموبلبيه 
مريم ها يتعلم يا ماما كل حاجه وكمان ها يبقى فى نجارين معاه ومندوبين ومسؤولين عن كل حاجه ما تقلقيش 
صفيه ربنا معاااه 
مريم بابا وماما وادهم كلمونى امبارح وقالولى ها ينزلو الاجازه بعد شهرين 
صفيه يا مرحب بيهم أهو تكونى والدتى ويفرحو بعيالك 
مريم ان شاء الله ياماما 
كارما دودو عموررر عامل ايه 
داليا بتقوم براحه هشششش برا 
كارما بصوت واطى حاضر .... وطلعو برا 
داليا اه تعبت انا لازم أجيب مربيه 
كارما يزيد باشا ها يسب ولى العهد لمربيه عمرو باشا 
داليا مش بينيمنى ولد دماغه فاضيه حتى زيزو حبيبى مبقاش ينام بسببه 
كارما لسا عنده 3 شهور وعامل فيكو كدا 
داليا ها يفضل لحد ما يتم سنه نومه مش منتظم 
كارما لا ربنا معاكو ها انزل انا بقى عشان ما أتأخرش 
داليا ربنا معاكى يا حبيبتى
شريف مارك فين حسن 
مارك جوا فى الاوضه 
حسن تعالى يا شريف فى حاجه 
شريف وهو بيراقب حوالين الاوضه بتاعت حسن قبل ما يتكلم ..... انا خلاص خدت إفراج انهارده وهاارجع مصر تانى 
حسن بصوت واطى بعد ما اتاكد هو كمان ان الدنيا تمام بجد أخيرا ..... لازم تروح لمريم وامى وابويا تتطمن عليهم وتطمنهم عليا ..... 
شريف أ منهم وأمن نفسى واروح 
حسن فى كلمة سر عشان مريم تتاكد انك من طرفى اول ما تشوفها قولها
شريف ايه هى 
حسن قول كلمة السر مريم وهى ها تعرف انك من طرفى 
شريف بتحبها قوى كدا 
حسن انا بعشقها ونفسى أطير واروح لها وحاول تتطمنى عليهم لو الظروف سمحت 
شريف أطمن كله ها يبقى تمام قريب قوى ها يقعووو كلهم 
حسن يارب ياشريف وشريف مشى وحسن أفتكر قبل 6 شهور ....... 
فلاش باااك 
العراقى تعلب المخابرات المصريه مستعد لل ها تسمعه 
حسن مستعد 
العراقى مفيش عمليه كل دا مخطط منهم عشان تنضم ليهم بصوره خاصه وها يدربوك عل أحدث أجهزة التجسس عندهم بعد ما يتأكدو فعلا انك تبعهم انت بالنسبه لهم مهم جدا لانك محبوب وليك كلمه مسموعه جوا الجيش بين الافراد الا بتتعامل معاهم والكل بيثق فيك فا تجنيدك مهم لانك ها تأثر فى الا حواليك وها تجند غيرك وغيرك وها تقدر تعمل انشقاق فى الجيش نفسه دا تفكيرهم 
حسن طيب احنا ها نستفاد ايه وليه بنطاوعهم وممكن يبقى فى مصابين او حالات وفاه 
العراقى ها يبقى فى مصابين انما مش ها يبقى فى حالات وفاه واحنا ها نتعامل .... هما عايزين يبينو ان الموضوع طبيعى عشان لما ترجع وسطنا تانى ما نشكش انك تبعهم ...... ها نستفيد ايه بقى كتيررررر قوى .... اولا اننا بعتنا راجل واثقين فيه وتابعنا يعنى مش واحد ها يضعف قدامهم دى حاجه