قصة جميلة

الشركة تستعد لاستقبال المدير الجديد 
يلا يا بني اتحرك بسرعة طارق بيه علي وصول انت ناسي انو حفيد الباشا 
واكيد هيسمعنا كلمتين حلوين 
دا اكيد مهوا حفيدة بق مستني منو ايه 
الكل كان بيجري بيجهزوا حفلة ترحيب ب بطارق الصياد حفيد عائلة الصياد وحاليا مدير لشركة الصياد جروب 
نزل من العربيه بعدما فتح ليه السواق اهلا اهلا يا طارق باشا 

دخل طارق وهوا بيبص علي الشركة وعلي الموظفين 
وقف قدامهم وهما قالو في صوت واحد حمدلله علي السلامه يا مستر طارق 
طارق هز راسوا وقال الله يسلمكم انا مقدر الي عملتوه علشاني بس كل واحد يروح علي شغلوا علشان عندنا شغل كتير مفيش وقت للاحتفال 
كل الموظفين بصوا لبعض باحباط وفعلا كل واحد راح علي شغلوا 
طارق بيه في اجتماع النهاردة مع سليم بيه صاحب شركة الانصاري المعاد هيكون بعد الضهر وفي مقابلة بعد ساعه لاختيار سكرتيرة زي محضرتك طلبت وفي بعد الغدا مقابلة مع صحفيه وحاليا في اربع ملفات حضرتك هتمضي عليهم 
طارق قعد علي مكتبه هاتي الملفات 
المساعده مدت ايديها بالملفات اتفضل يا فندم 
بدا طارق يقرأ الملفات ومضي علي اول ملف والتاني ولاكن جه عند التالت وقال مين الي مجهز الملف دا 
المساعده بتوتر خير يا فندم في ايه 
طارق پغضب مين الي مجهز الملف دا بقول 
المساعدة دي سلمي في قسم المحاسبة يا فندم 
طارق پغضب دا اسمو استهتار اطلبيها علي مكتبي بسرعه 
في قسم الحاسبة 
مني بضحك عارفة بق بعدما مشيوا من عندنا قولت الحمد لله هم وانزاح يبنتي دا كان كل ما اقوله حاجه يقولي استني هسال ماما 
سلمي بضحك ابن امه خليها تشبع بيه 
الكل ضحك ووقتها تلفون سلمي رن بس محدش انتبه ليه 
محمود سلمي تلفونك 
سلمي يعم فوكك اكيد اي عيل بيرخم 
وعند طارق 
المساعده مش بترد يا فندم 
طارق وقف پغضب يعني ايه الاستهتار دا بتقولي في قسم المحاسبة 
المساعده ايوا يافندم 
طارق وقف ومشي وفضلت المساعدة تتصل بسلمي الي مش بتردجريت ورا طارق الي كانت خطوته سريعه 
وفي قسم المحاسبة عارفه يبت يا مني انا مره روحت البيت لقيت ناس عندنا اول مدخلت عرفت انو عريس طبعا ولما قعدت معاهم وبقول اني مش بفكر في الجواز فوقتها مامته سالتني وهيا بتقلد صوتها وانتي عندك كام سنه يا حبيبتي 
قولتها عادي يعني يا طنط عندي ٢٣ سنه ورجعت قلدت صوتها تاني ٢٣سنه ايه قوم يا حبيبي دي عانس بصيتلهم پصدمة  وقومت  مده ايدي جايبه ال.....
في ايه يا بنتي بتبصيلي كدا ليه 
مني وهيا بتبص لطارق الي واقف ورا سلمي پغضب وبتبص لسلمي الي مكملة 
سلمي لفت بوشها بالراحه وقالت في ايه يابنتي بتبصي علي ايي..ه 
طارق پغضب انتي سلمي 
سلمي خاڤت من هيئته احم ايوا انا يا فندم 
طارق وهوا بيهبد الملف علي مكتبها انتي الي مجهزه الملف دا 
سلمي ايوا يا فندم 
طارق وحضرتك بق كنتي وقتها بتقوري كوسة ولا بتلفي محشي 
كل الي في القسم ضحكوا بس طارق بصلهم پغضب 
سلمي وشها احمر من الخجل انا 
اسكتي انا مخلصتش كلامي 
سلمي هزت راسها الملف دا كلو علي بعضوا غلط حضرتك سايبه شغلك وبتحكي حواديت فاكره نفسك علي مصطبه بيتكوا الي يشتغل في شركة الصياد يكون مسؤل مش مستهتر زيك 
سلمي عيونها دمعت وبصتلوا انا اسفة يا فندم 
طارق مخصوملك اسبوعين ومحرومه من اجازة السنه 
سلمي ودموعها نزلت هوا بصلها بعضب ومشي وقبل ما المساعده تمشي قالت لسلمي انا اتصلت بيكي ٣مرات مردتيش 
وبعدها اټفزعت لما سمعت صوت طارق بينادي عليها متزعليش بق يا سلمي 
ومشيت 
مني وكل القسم قربوا منها وهيا بدات ټعيط ومني حضڼتها 
متزعليش يا سلمي حقك عليا انا بس هوا اكيد عندو حق 
سلمي بصتلها وهزت راسها واحمد زميلها مسك الملف وبص فيه وقال تعالي شوفي ايه المكتوب 
الكل قرب ولاقوا ان في نص الكلام مكتوب جملة يماما متنسيش تعملي بتنجان محشي اصلي بحبوا 
الكل ضحك ڠصب عنهم واولهم سلمي الي اټصدمت وقالت اي دا