قصة الدكتور
اجاوب على الاجابه دى واقول لنفسي يمكن دا حاجه جوايا عايزانى اوافق على الاتفاق اللى عرضه عليه
اننا نسي ابتدينا ازاى ونحاول نبتدى من جديد مع بعض بس خلى بالك يا رنا لو فعلا ناويه توافقى وترجعى تعيشي معاه حياه زوجيه كامله لازم تلتزمى بكل واجباتك فيها كزوجه هتقدرى تنفذى دا لا انا لازم ما اتسرعش واخد وقتى كويس فى التفكير ....
بالنسبه لعبدالله فى الفتره دى كان متوتر جدا وعالطول قلقان وموده من سىء لاسوء ودا نتيجه انه كان مشتاق جداا ليهم ومفتقدهم بس مش قادر يتصل علشان يقدر يلتزم بأتفاقه معاها حاول يشغل نفسه بشغله كان بيخرج من الصبح ما يرجعش الا على النوم حاولت معاه ساره كتيرر انها تحسن علاقتها بيه فى الفتره دى وهو حاول انه يعدل فى علاقته بيها علشان خاطر ربنا ما يحسبوش عليها فرجع ينام فى جناحها ويحاول يرجع يخلى حياته معاها طبيعيه لكن ڠصب عنه غياب رنا كان واضح فى شكله وعيونه وتصرفاته ودا وصل لساره اللى حست انه معاها بجسمه بس لكن عقله وتفكيره وكيانه كله مع درتها اللى كان كل يوم بيمر پتكرها فيه اكتر واكتر
عمر بصى شكلك يا رنا فى الصوره دى مالك كنتى مبوزه كده
رنا اه دى فى اسكندريه لما روحنا مع اهلك اكيد شوفت قدامى اخوك او مراته اعوذ بالله
رنا وما احطهومش ليه دا على راي المثل ما جمع الا لما وفق الصراحه
عمر على فكره انتى وخده فكره غلط خالص عن عبدالله صدقينى لو عرفتيه كويس هتعرفى انك ظلمتيه فى حكمك عليه
رنا ظلمته دا شخص مغرور ومتكبر وشايف نفسه جدا دايما مكشر فى وشي وبحس انه بيكرهنى وانا كمان مش بطيقه
رنا والله انت اللى مفيش اطيب من قلبك سيبنا بقى من سيرته وتعالى نتعشي انا جعانه قووى
رنا رجعت للواقع وهى بتقول لنفسها فعلا عندك حق يا عمر عبدالله دا غريب جداا رغم انى شوفت منه كتيرر بس كل لما اعرفه اكتر فى الحكم عليه على قد شدته وقسوته فعلا مفيش احن منه ودا انا لمسته فى مواقف كتير دايما بحس فى نظرات عيونه حنان غريب وساعات بشوف فيهم كلام كتير بس كنت بتكسف قوى لما احاول اركز فيهم او اقراهم .. وفوقها من سرحانها صوت الموبيل ورقم غريب بيتصل ..
صوت وحده الووو رنا
رنا ايوا مين معايا
صوت وحده انا مروه يا رورو
رنا مروه يا بنت اللذينه والله صوتك متغير فينك
مروه موجوده فى الدنيا عرفت من رامز انك رجعتى وقولت لازم اكلمك واشوفك
رنا رامز !! هو انتى رجعتى من السعوديه امتى وشوفتى رامز فين
رنا ياريت خلاص هستأذن من
ماما واكلمك نحدد المكان والزمان اوكى
مروة اوكى حبيبتى سيفى بقى رقمى سلام
رنا سلام حبيبتى
خرجت رنا لحنان اللى كانت بتاكل لين ...
رنا ماما فاكره مروة صحبتى اللى كانت معايا فى الجامعه
حنان اه اللى اتجوزت وسافرت السعوديه
رنا ايوا كلمتنى وعايزين نخرج نتقابل ونشوف بعض النهارده ممكن
حنان كلمى جوزك واستأذنى منه لا انا ولا ابوكى نقدر نسمحلك من غير شورته
رنا اكلم عبدالله لا مش هينفع لحسن يفهم انى وافقت يا رب سامحنى على الكذبه انا قولتله وموافق وقال ما تبعديش وما تتأخريش
حنان خلاص بس تنفذى كلامه
رامز مساء الخير عليكم
رنا مساء النور
حنان كويس انك جيت علشان توصل اختك وصحبتها
رنا اسكت يا رامز تعرف مين كلمنى النهارده مروة صحبتى فاكرها
رامز ارتبك اه طبعا عارفها ما انا اللى قولتلها انك هنا
رنا اه صح هى لسه ما قلتليش هى شافتك فين
رامز بهمس لرنا تعالى انا عايزك جوه
خدها
رامز على اوضته وقفل الباب وقال اقعدى بقى كده علشان عايز احكيلك على موضوع مهم
رنا قول يا حبيبي انا معاك اهو
رامز انا بحب مروة وهرتبط بيها
رنا مصدومه مروة صحبتى
رامز ايواا
رنا بس دى متجوزه
رامز لا مطلقه
رنا اطلقت انا مش فاهمه حاجه
رامز انا هفهمك
مروة اتجوزت وسافرت مع جوزها السعوديه جواز تقليدى زى ما انتى عارفه طلع بنى ادم ما يستهلش كان بيهنها وشافت معاها اسوأ سنين عمرها وبالعافيه هربت منه وجت مصر ورفعت عليه قضية خلع وكسبتها وخلصت منه الكلام دا من 3 سنين ولما عرف ظروفها مدير
