جوزي وجارتي

وصل المستشفى واول ما وصل غرفته الخاصه طلب فطار ومسك الفون وابتدى يتصل ب غاده والفون مغلق
باب الغرفه اتفتح وكانت ممرضته الخاصه
سوسن 
صباح الخير يا عزت اتأخرت ليه انا عامله فطار علشانك مخصوص
بقولك يا سوسن انا طلبت فطار وبعدين مش هينفع هنا الكلام ده المستشفى كلها خدت بالها 
ومن امتى ان شاء الله وانت عامل حساب لناس وكلامها اذا كنت انت مش عامل حساب لمراتك نفسها الدكتوره غاده 
هى خلاص مشيت ومن اول جوازنا وهى قاعده فالبيت ومتعرفش حاجه عننا وعن المستشفى 
ومين قالك والدكتوره ملك راحت فين 
اه ملك متقدرش تتكلم ولو اتكلمت هتتطرد وهى عارفه 
بحبك يا عزت 
يا بنتى مش هنا 
ما زمان كان بينفع هنا مش فاهمه انت مالك فيك ايه ولا عرفت غيرى خلاص 
انا مش عاوز كلام كتير هنا 
بس انا هبقى مراتك 
عزت قال فى سره مراتى ههههه دى شكلها بتحلم 
ان شاء الله يا حبيبتى 
وانتى كمان وحشتينى بس انتى عارفه الشغل ذاد عليه وكمان الجواز وغاده مش سيبانى بمۏت من الغيره 
حبيبتى انتى عارفه انى مليش غيرك وطول ما انتى مطيعه وبتسمعى كلامى هخليكى ملكه 
ربنا يخليك ليه هو انا اشتغلت هنا غير علشانك فاكر لما قولتلى اشتغل هنا علشان اكون جمبك وكمان نطلع مصلحه مع بعض 
عزت قام وقف وحط ايده على بوقها وقال بصوت واطى الا المصلحه حسك عينك تتكلمى فيها هنا فاهمه هيكون فيها قاتلك 
سبنى حاسه انى بتخنق والله مش بتكلم مع حد صدقنى ولا حد بيعرف حاجه عن شغلنا بس انا بحبك وانت عارف حب اه
إنما تتكلمى فالشغل ھدفنك يلا روحى دلوقتى انا طلبت فطار ومش عاوز اشوف وشك غير لو فى حاجه مهمه 
حاضر حاضر بس عاوزه اشوفك النهارده فالشقه 
مش هينفع النهارده يومين كده وعاوزك تحضرى أكله بس من الأخر 
عزت قال يخربيتك هتودينى فى داهيه ده لو حد عرف الشغل اللى بعمله فالمستشفى ده اتوقف واتحبس كمان ومسك فونه وفضل يرن ع غاده ولقى الفون جرس وغاده رددت 
انتى قافله الفون ليه 
كان فاصل ياحبيبى 
بحبك 
انت لسه يا عزت 
حبيبتى عاوزاك النهارده بالليل ملكه وست الستات 
ليه فى حفله 
لأ عاوز مراتى وعاوزها تكون أجمل ست انوثه وجمال وشياكه عاوزاك ملكه 
ربنا ما يحرمنى منك يا حبيبى 
صحيح انتى كنتى فين
اه يا حبيبى ياريت تكلم ولاء أصلها تعبانه جالها مغض كلوى وكانت بټموت كلمتنى ونزلت محستش بنفسى وبصراحه انت كنت تعبان ومش حاسس بحاجه سبتك نايم تستريح
الف سلامه عليها هبقى اكلمها
حبيبى انا فالبيت دلوقتى بس كنت عاوزه اخد رأيك فى حاجه
قولى يا حبيبتى
انا جبت ولاء معايا علشان ارعاها وهى تعبانه وكمان لو المغص رجع الحقها انت عارف ماما قلبها ضعيف ومش بتعرف تدى حقن والمغص ممكن يرجع فى اى وقت وانا او انت نلاحقها
وعزت قال اوووف وضړب بأيده على المكتب وقال وانتى كده بتاخدى رأيى يعنى خلاص خلاص سلام يا ولاء وانا بقولك عاوزاك النهارده ملكه خلاص سلام وقفل معاها وقال يا نهار منيل طيب انا بقى ليالى طقت فى دماغى النهارده ومش هينفع علشان الاتفاق والصفقه اللى ما بينا ولازم اسلمه غاده ومسك فونه واتصل ب ماجد وقاله اللى حصل بس ماجد كان لى رأى تانى قاله اديهم هما الاتنين منوم وانا هتصرف وعزت وافق بكل سهوله
انا مش مصدقه اللى بيحصلك يا غاده سبحان الله مش بالشكل ده احنا اول ما شوفناه قولنا ده دكتور محترم
نصيبى نصيبى الأسود بس انا هعرفه ان الله حق 
سوسن عزت فى حاله عمليه زايده خلى بالك